პოლიტიკა

რუსეთის საგარეო უწყების განცხადება ადასტურებს, რომ ლუჟკოვი როგორც კერძო პირი არ ჩამოსულა - ზვიად კვაჭანტირაძე

საპარლამენტო უმრავლესობის წევრის, ზვიად კვაჭანტირაძის განცხადებით, რუსეთის საგარეო უწყების მიერ გუშინ გაკეთებული განცხადება, ადასტურებს იმას,რომ იური ლუჟკოვი საქართველოში, როგორც ჩვეულებრივი კერძო პირი არ ჩამოსულა.

„ლუჟკოვის ბედ-იღბალით რომ დაინტერესდა რუსეთის საგარეო საქმეთა სამინისტრო - ეს კიდევ ერთხელ ადასტურებს იმას, რომ ლუჟკოვი აქ არ იყო ჩამოსული როგორც ჩვეულებრივი კერძო პირი. მისი ვიზიტი, აშკარად, ქმნიდა პროვოკაციულ ფონს. მათი განცხადება თუ მხოლოდ იმას გულისხმობს, რომ მოქალაქეებს შეახსენონ გადაამოწმონ თავიანთი სტატუსი შეიცავს თუ არა რაიმე რისკებს მათი საქართველოში ჩამოსვლა - ამაში ცუდი არაფერი არ არის. მეც იგივეს ვიტყოდი. თუკი მათ სურთ აფხაზეთში ან სამხრეთ ოსეთში მოგზაურობა, საქართველოს კანონმდებლობის შესაბამისად - ეს უნდა გააკეთონ მხოლოდ საქართველოს ცენტრალური ტერიტორიის გავლით და ხელისუფლებასთან შეთანხმებით“,-აღნიშნა კვაჭანტიტრაძემ.

მონიკა დავლიანიძე