პოლიტიკა

პროვოკაცია ის კი არ არის, რომ ვინმეს კანონის შესრულება მოსთხოვო, არამედ არის ის, რასაც რუსეთი ყოველდღიურად აკეთებს - გიგი წერეთელი

„ევროპული საქართველოს“ წევრის, გიგი წერეთელის განცხადებით, რუსეთის საგარეო საქმეთა სამინისტროს განცხადებით, მოსკოვი კვლავ ცდილობას წარმოაჩინოს ის, რაც რეალობასთან კავშირში არ არის.

ასე გამოეხმაურა წერეთელი, რუსეთის საგარეო უწყების მიერ გუშინ გაკეთებულ განცხადებას.

„რუსეთის საგარეო საქმეთა სამინისტროს განცხადება იყო პასუხი ლუჟკოვის ჩამოსვლასთან დაკავშირებულ სკანდალზე. მე ვფიქრობ , რომ ლუჟკოვი იოლად გამოძვრა იმ დარღვევების შემდეგ, რაც მას ჰქონდა ოკუპირებულ ტერიტორიებთან დაკავშირებით. თუმცა, ეს განცხადება კიდევ ერთხელ ადასტურებს იმას,რომ რუსეთი კვლავ ცდილობს წარმოაჩინოს ის, რაც არ არის რეალობასთან შესაბამისი. არ ემუქრებათ საფრთხე იმ ტურისტებს, ან ვიზიტორებს, რომლებიც ჩამოდიან რუსეთიდან საქართველოში თუ მათ არ აქვთ დარღვეული საქართველოს კანონმდებლობა. პროვოცირება და პროვოკაციები ის კი არ არის, რომ ვინმეს კანონის შესრულება მოსთხოვო, არამედ არის ის, რასაც რუსეთი სეპარატისტებთან ერთად, ყოველდღიურად აკეთებს საქართველოს ტერიტორიაზე - ეს არის მავთულხლართები, ადამიანების უმძიმეს ეკონომიკურ მდგომარეობაში ჩაყენება, ყოველდღიურად მათი დაკავება“, - აღნიშნა დეპუტატმა.

მონიკა დავლიანიძე