სამართალი

პრეზიდენტის ვეტო უცნაურია, რადგან ცვლილებებს სრულიად საერთაშორისო საზოგადოება ელოდა - თამარ ჩუგოშვილი

პარლამენტის ვიცე-სპიკერის თამარ ჩუგოშვილის განცხადებით, საპარლამენტო უმრავლესობა იმსჯელებს იმ შენიშვნებზე, რომელიც პრეზიდენტის ამდინისტრაციას სასამართლო რეფორმის ე.წ. მესამე ტალღის ცვლილებების პროექტთან დაკავშირებით აქვს.

ამასთან, როგორც ჩუგოშვილმა პრეზიდენტის მიერ გაკეთებული განცხადების კომენტირებისას მედიას განუცხადა, ვეტოს გამოყენებით პრეზიდენტმა ძალიან უცნაური გადაწყვეტილება მიიღო, რომელიც რეფორმის დროულად ძალაში შესვლის პროცესს აფერხებს.

„ძალიან უცნაური გადაწყვეტილება არის, იმიტომ რომ ე.წ მესამე ტალღის ცვლილებების პროექტი, რომელიც სასამართლო სისტემას ეხება არის მართლმსაჯულებისთვის მნიშვნელოვანი პაკეტი. ამ ცვლილებების დროულად მიღებას ელოდა და ამისკენ მოუწოდებდა პარლამენტს სრულიად საერთაშორისო საზოგადოება,ისევე როგროც სამოქალაქო საზოგადოება თავად ქვეყნის შიგნით. ძალიან მნიშვნელოვანი არის, რომ ცვლილებები ძალაში დროულად შევიდეს და სასამართლო სისტემის მუშაობაში მოახდინოს ის პოზიტიური გავლენა, რომელიც უნდა მოახდინოს. ჩვენ რა თქმა უნდა ვიმსჯელებთ იმ ცვლილებებზე, იმ შენიშვნებზე რომლებიც იქნება წარმოდგენილი პრეზიდენტის ადმინისტრაციის მხრიდან“,-განაცხადა ჩუგოშვილმა.

მონიკა დავლიანიძე