პოლიტიკა

„ნაციონალურმა მოძრაობამ“ საკონსტიტუციო კომისია დატოვა

„ნაციონალურმა მოძრაობამ“ საკონსტიტუციო კომისია დატოვა.

განცხადება აღნიშნულის შესახებ პარტიის წევრმა, რომან გოცირიძემ საგანგებო ბრიფინგზე გააკეთა.

„ერთიანმა ნაციონალურმა მოძრაობამ“ გადაწყვიტა, დატოვოს საკონსტიტუციო კომისია. პირველ რიგში უნდა ითქვას, რომ ჩვენ, ისევე როგორც სხვა წევრებმა, არასამთავრობო ორგანიზაციებმა, პოლიტიკურმა პარტიებმა, მაქსიმალურად შევეცადეთ, რომ საკონსტიტუციო კომისიის მუშაობა ყოფილიყო წინ გადადგმული ნაბიჯი, ქვეყანაში დემოკრატიული პროცესების განვითარებისაკენ. სამწუხაროდ აღმოჩნდა, რომ ხელისუფლებას ამოძრავებდა სხვა მიზნები, რომელიც გამოიხატებოდა ძალაუფლების უზურპაციაში და ეს კომისია გამოყენებული იყო სწორედ ამ მიზნების მისაღწევად“, - განაცხადა რომან გოცირიძემ.

შეგახსენთ, რომ რამდენიმე დღის წინ საკონსტუტუციო კომისიის მუშაობას გამოეთიშა არასაპარლამენტო პარტია მოძრაობა „სახელმწიფო ხალხისთვის.’’

ნინო ექვთიმიშვილი