სამართალი

მთავარი პროკურორი გიორგი გასვიანს შეხვდა

მთავარი პროკურორი ირაკლი შოთაძე გუშინ, ტელეკომპანია ,,იბერიის’’ ჟურნალისტს, გიორგი გასვიანს შეხვდა და მისი ცემის ფაქტთან დაკავშირებით მიმდინარე გამოძიებაზე ინფორმაცია გააცნო.

როგორც მთავარი პროკურატურის დატოვების შემდეგ გასვიანმა ჟურნალისტებს განუცხადა, მან საგამოძიებო უწყების ხელმძღვანელისგან მიიღო დაპირება, რომ გამოძიება დამნაშავეს ხელს არ დააფარებს.

,,ზუსტი ვადების შესახებ მათ არ შეუძლიათ მითხრან, მაგრამ პირობას იმისას, რომ ბოლომდე მიყვებიან ამ საქმეს და არავინ დაუსჯელი აქედან არ დარჩება, მე ვღებულობ. ის მხარეც იკითხება, მონაწილეობს ამ პროცესში და ორმხრივად მიდის გამოძიება’’, - განაცხადა გიორგი გასვიანმა.

ცნობისათვის: ტელეკომპანია იბერიის ჟურნალისტი სამ ადამიანს, მათ შორის პოლიციელს, მის ცემაში ადანაშაულებს.

ნინო ექვთიმიშვილი