პოლიტიკა

მმართველი ძალა ქმნის კლიმატს, რომ აქ ვერავინ ვერ გაბედოს ოპოზიციაში ყოფნა - გიგა ბოკერია მარნეულის ინციდენტზე

„ევროპული საქართველოს“ ერთ-ერთი ლიდერი გიგა ბოკერია მარნეულში მომხდარ ინციდენტს გამოეხმაურა. საქმე ისაა, რომ „ევროპული საქართველოს“ მარნეულის მერობის კანდიდატმა აჰმედ იმამკულიევმა დაადანაშაულა „ქართული ოცნების“ მაჟორიტარი კანდიდატი მირკაზიმ ყაგუბოვი პარტიის აქტივისტ მაჰმედ ჰუსეინოვის ფიზიკურ შეურაცხყოფაში.

ბოკერიას განცხადებით, ოპოზიციონერ აქტივისტებზე ზეწოლით მმართველი გუნდი ცდილობს ძალაუფლების შენარჩუნებას. მისივე მტკიცებით, ამას ადასტურებს ეკა ბესელიას კომენტარები. იურიდიულ საკითხთა კომიტეტის თავმჯდომარე პარლამენტარ ზვიად კვაჭანტირაძესთან ერთად სიტუაციაში გასარკვევად მარნეულის #58 საარჩევნო უბანზე მივიდა. ბესელიამ არ გამორიცხა, რომ დაძაბულობა, შეიძლება, ხელოვნურად იყო შექმნილი.

„როცა ავტომატურად ხდება იმ დასკვნის გაკეთება, რომ ეს პროვოკაციაა (ჯერ ამ ტერმინს რა მნიშვნელობით ხმარობენ, არ მესმის), რომ არაფერი არ მომხდარა, იმ პრობლემას ადასტურებს, რომ დაშინებით, ქუჩური ძალადობითა და ფიზიკური შეურაცხყოფით ცდილობენ, შექმნან კლიმატი, რომ აქ ვერავინ ვერ გაბედოს ოპოზიციაში ყოფნა და უნდა იყო დამცირებული. სწორედ ამის შედეგი იყო ის ინციდენტი, რომლის შესახებ ჩვენმა აქტივისტმა შეგვატყობინა.

მმართველი გუნდის კომენტარებიც არის ამ პრობლემის ნაწილი. უნდა ეთქვათ, რომ გამოვიძიებთ, რომ არ დავუშვებთ ძალადობას“, -თქვა ბოკერიამ ტვ პირველის ეთერში.

ამჟამად „ევროპული საქართველოს“ აქტივისტი ადგილობრივი პოლიციის განყოფილებაში მოხდართან დაკავსირებით ჩვენებას აძლევს.

ანა მებურიშვილი