პოლიტიკა

უნდა გავარკვიოთ, რა მოხდა და ეს ხომ არ არის ხელოვნური დაძაბულობისთვის გამოწვეული ამბავი - ეკა ბესელია

პარლამენტის იურიდიულ საკითხთა კომიტეტის თავმჯდომარის, ეკა ბესელიას შეფასებით, გარკვეული ალები ცდილობენ მარნეულში ვითარების დაძაბვას. ამის შესახებ მან მარნეულის #58 საარჩევნო უბანზე მისვლისას განაცხადა, სადაც „ევროპული საქართველოს“ ლიდერებს შეხვდა.

„იმ ადამიანს უნდა დაველაპარაკოთ, ვინც „ევროპულმა საქართველომ“ გვაჩვენა. ასევე ჩვენს კანდიდატსაც უნდა დაველაპარაკოთ და რეალურად გავარკვიოთ, რა მოხდა და ეს ხომ არ არის ხელოვნური დაძაბულობისთვის გამოწვეული ამბავი.

ყველაფერს გავაკეთებთ, რომ სიმშვიდე და სიწყნარე იყოს. დაძაბულობა არავის არ უნდა, უპირველეს ყოვლისა, ჩვენ. ზედმეტი დაძაბულობა არ გვსურს, რადგან ჩვენს ინტერესებშია არჩევნებმა მშვიდად ჩაიაროს. ყველას მინდა ვთხოვო, რომ არათუ ხელი არ უნდა შეუწყონ დაძაბულობასა და ასეთი ფაქტების ინსპირირებას, არამედ პირიქით, ადამიანებს უნდა დავეხმაროთ, რომ ხმა მშვიდ გარემოში იმას მისცენ, ვისაც ენდობიან“,- განაცხადა ბესელიამ.

„ევროპული საქართველოს“ მარნეულის მერობის კანდიდატმა აჰმედ იმამკულიევის დაადანაშაულა “ქართული ოცნების” კანდიდატი მირკაზიმ ყაგუბოვი, რომ ის ადგილობრივ აქტივისტ მაჰმედ ჰუსეინოვს ფიზიკურად გაუსწორდა.

ანა მებურიშვილი