სამართალი

დნმ ექსპერტიზა საჭირო არ იყო, უდაოა რომ იარაღი გიორგი მამალაძეს ეკუთვნოდა-ჯარჯი წიკლაური

ე.წ ციანიდს საქმის პროკურორის ჯარჯი წიკლაურის განცხადებით, ბრალდებული დეკანოზის სახლიდან ამოღებულ იარაღზე დნმ ექსპერტიზის ჩატარება საჭირო არ არის.

პროკურორის განმარტებით, ბრალდებული თავად აღიარებდა, რომ აღნიშნულ იარაღას ინახავდა.

„არავითარი დამატებითი ექსპერტიზა საჭირო არ იყო და უდაო იყო, რომ იარაღი გიორგი მამალაძეს ეკუთვნოდა. მან დაადასტურა, რომ ინახავდა ამ იარაღს. ამაზე მას ბრალიც აქვს წარდგენილი. დანარჩენ კითხვებზე ის თავად გაგვცემს პასუხს, როდესაც დაიკითხება“, -აღნიშნა პროკურორმა.

დღეს, ე.წ ციანიდის საქმეზე ბრალდების მხარის მოწმეები, ექსპერტები დაიკითხნენ.

როგორც დეკანოზ გიორგი მამალაძის ადვოკატმა მედიას განუცხადა, ექსპერტებმა პროცესზე თქვეს, რომ პროკურატურას იარაღზე დნმ და დექტალოსკოპიური ექსპერტიზის ჩატარება არ მოუთხოვია.

მონიკა დავლიანიძე