სამართალი

ზვიად კუპრავა და კიდევ სამი პირი ადმინისტრაციული სამართალდარღვევისთვის არიან დაკავებული

შინაგან საქმეთა სამინისტროს ინფორმაციით, შინაგან საქმეთა სამინისტროს თანამშრომლების მიერ რუსთაველის გამზირზე, პარლამენტის შენობის წინ მიმდინარე აქციაზე წვრილმანი ხულიგნობისა და პოლიციელის კანონიერი განკარგულების დაუმორჩილებლობის ფაქტზე ადმინისტრაციული სამართალდარღვევისთვის 4 პირია დაკავებული.

დაკავებულებს შორისაა ზვიად კუპრავა.

რუსთაველზე, აქციის მონაწილეებისთვის გამოყოფილი ადგილი სამართალდამცველებმა გამთენიისას სპეციალური ბარიერებით შემოსაზღვრეს. საპატრულო პოლიციის წარმომადგენლების განმარტებით, ეს გადაწყვეტილება უსაფრთხოების ზომებიდან გამომდინარეობს.

მანამდე პარლამენტის შენობის წინ მიმდინარე აქციის ორგანიზატორებსა და მონაწილეებს სამართალდამცავებმა გაფრთხილება მისცეს და აქციის მონაწილეთა სიმცირიდან გამომდინარე სთხოვეს, კარვები საავტომობილო გზიდან გადაეტანათ. ამ გაფრთხილებას აქციის მონაწილეები არ დაემორჩილენ და აცხადებენ, რომ მათი მოთხოვნების დაუკმაყოფილებლობამდე კარვების დაშლას არ აპირებენ.

ზაზა სარალიძე მისი შვილის მკვლელების და დანაშაულის დაფარვაში ბრალდებულთა დასჯას ითხოვს. აქცისი მონაწილეების ასევე მოითხოვენ, შინაგან საქმეთა მინისტრ გიორგი გახარიას და იუსტიციის მინისტრ თეა წულუკიანის თანამდებობიდან გადადგომას.