სამართალი

ზვიად გამსახურდიას გარდაცვალების საქმესთან დაკავშირებით სალომე ზურაბიშვილი პარლამენტს მიმართავს

საქართველოს პირველი პრეზიდენტის, ზვიად გამსახურდიას გარდაცვალების საქმესთან დაკავშირებით სალომე ზურაბიშვილი პარლამენტს მიმართავს.

საქართველოს პრეზიდენტი მოუწოდებს საკანონმდებლო ორგანოს, მკვლელობის გამოძიების ხანდაზმულობის ვადის გასაგრძელებლად, შესაბამისი საკანონმდებლო ღონისძიებები გატარდეს.

"როგორც საქართველოს პრეზიდენტმა, არ შეიძლება, არ გავიზიარო ზვიად გამსახურდიას ოჯახის წუხილი და მოთხოვნა, გაგრძელდეს საქართველოს პირველი პრეზიდენტის ზვიად გამსახურდიას მკვლელობის გამოძიების ხანდაზმულობის ვადა. ვიცი, რომ ამისათვის საჭიროა შესაბამისი საკანონმდებლო ღონისძიებების გატარება, ეს კი პრეზიდენტის კომპეტენცია არ არის.

მივმართავ საკანონმდებლო ორგანოს, შესაძლებლობის ფარგლებში გათვალისწინებულ იქნას ჩემი და ზვიად გამსახურდიას ოჯახის წევრების თხოვნა ამ საკითხთან დაკავშირებით,"-ნათქვამია პრეზიდენტის განცხადებაში.

საქართველოს პირველი პრეზიდენტის მკვლელობის საქმის გამოძიების ხანდაზმულობის ვადა იწურება. ამიტომ შესაძლოა გამოძიება შეწყდეს. ხანდაზმულობის ვადის გახანგრძლივების მოთხოვნით, ზვიად გამსახურდიას შვილები თითქმის ერთი კვირაა, მთავარი პროკურატურის შენობაში შიმშილობენ.

მათ გუშინ, პრეზიდენტის ათონელის რეზიდენციასთან, კონკრეტული მოთხოვნებით აქცია გამართეს.