პოლიტიკა

ზურაბიშვილის არჩევით „ქართულმა ოცნებამ“ დააფიქსირა, რომ მხარს უჭერს პირს, რომელმაც საქართველო აგვისტოს ომის დაწყებაში დაადანაშაულა - დავით ბაქრაძე

„ევროპული საქართველო - მოძრაობა თავისუფლებისთვის” თავმჯდომარისა და საპრეზიდენტო კანდიდატის, დავით ბაქრაძის განცხადებით, „ქართულმა ოცნებამ“ საპრეზიდენტო არჩევნებზე მხარი დაუჭირა პირს, რომელიც საკუთარ ქვეყანას ომის დაწყებაში ადანაშაულებს.

„ამ არჩევანით „ქართულმა ოცნებამ“ დააფიქსირა, რომ დღევანდელი ხელისუფლება მხარს უჭერს ადამიანს, პოლიტიკოსს, რომელსაც არაერთგზის ღიად და საჯაროდ აქვს განცხადებული, რომ საქართველო არის აგრესორი და ჰყავს დადანაშაულებული საკუთარი ქვეყანა ჩვენივე ქვეყანაში ომის დაწყებაში. მოვუწოდებ ყველა ოპოზიციურ კანდიდატს, შევწყვიტოთ და შევაჩეროთ ერთმანეთზე შეტევა და თავდასხმა, გადავიდეთ თავდაუსხმელობის რეჟიმზე და მთელი რესურსი, მთელი ჩვენი ოპოზიციური რესურსი მოვახმაროთ იმას, რომ არ დავუშვათ საქართველოში სალომე ზურაბიშვილის გაპრეზიდენტება“, - განაცხადა ბაქრაძემ.

ცნობისთვის, პოლიტსაბჭოს სხდომის შემდეგ პარლამენტის თავმჯდომარემ ირაკლი კობახიძემ განაცხადა, რომ მმაღტველი გუნდი საპრეზიდენტო არჩევნებზე სალომე ზურაბიშვილის კანდიდატურას დაუჭერს მხარს.