პოლიტიკა

ზურაბ ჯაფარიძე - პავლე კუბლაშვილზე : მან შეასრულა ის, რაც განაცხადა საჯაროდ ორი წლის წინ

პოლიტიკური მოძრაობა ,,გირჩიდან’’ პავლე კუბლაშვილის წასვლას მისი უკვე ყოფილი თანაგუნდელი და გაერთიანების ლიდერი, ზურაბ ჯაფარიძე სპეციალური ბრიფინგით გამოეხმაურა.

როგორც ჯაფარიძემ აღნიშნა, პავლე კუბლაშვილს პოლიტიკიდან წასვლა ჯერ კიდევ ორი წლის წინ ჰქონდა გადაწყვეტილი.

,,ის არის ,,გირჩის’’ ერთ-ერთი დამფუძნებელი. მას აქვს შეტანილი წვლილი იმაში, რომ ,,გირჩი’’ დღეს არსებობს და არის იმ მდგომარეობაში, რა მდგომარეობაშიც დღეს არის.

ცხადია, სამწუხაროა, რომ მან მიიღო ეს გადაწყვეტილება, მისი გამოცდილება, მისი ცოდნა, მისი პოლიტიკური უნარები ,,გირჩისთვის’’ ცხადია ძალიან მნიშვნელოვანი იქნებოდა, მაგრამ მან ეს გადაწყვეტილება მიიღო ჯერ კიდევ დიდი ხნით ადრე, ორი წლის წინ, თუ მეტის არა, როდესაც მან თქვა, რომ ის აღარ აპირებს ქართულ პოლიტიკაში დარჩენას. უბრალოდ, მან შეასრულა ის, რაც განაცხადა საჯაროდ ორი წლის წინ. მე მას წარმატებას ვუსურვებ’’, - განაცხადა ზურაბ ჯაფარიძემ.

ნინო ექვთიმიშვილი