პოლიტიკა

ზოგიერთ პარტიას კონსესუსი უმრავლესობის მიერ მათი ულტიმატუმის შესრულება ჰგონიათ - გია ვოლსკი

საპარლამენტო უმრავლესობის წევრი, გია ვოლსკი პრეზიდენტისა და ოპოზიციის მიერ ერთობლივად შემუშავებულ დოკუმენტს გამოეხმაურა, რომელიც ქვეყნის პირველმა პირმა მმართველ პარტიასა და ვენეციის კომისიას გაუგზავნა.

ვოლსკის შეფასებით, ოპოზიციური პარტიების მიზანი იყო არა კონსესუსის მიღწევა საკონსტიტუციო ცვლილებებზე, არამედ მათი მოთხოვნების შესრულება მმართველი გუნდის მიერ.

„არის პოლიტიკური პარტიების ჯგუფი, რომელსაც აჰყვა გარკვეული მცირე მოცულობის პარტიები, რომლებიც ამ კონსესუსიისკენ არ ისწრაფვის. კონსესუსი ზოგიერთ პარტიას ჰგონია, რომ მათი ულტიმატუმი შესრულდება უმრავლესობის მიერ, რომელიც ხალხმა აირჩია. აი, ამას ეძახიან კონსესუსს. სახელმწიფოში კონსესუსი და პოლიტიკური სიამტკბილობა რომ იყოს, მაგას არაფერი აჯობებდა“, - განუცხადა ვოლსკიმ ჟურნალისტებს.

ანა მებურიშვილი