სამართალი

ზაზა სარალიძისა და მალხაზ მაჩალიკაშვილის სარჩელზე სასამართლომ მსჯელობა შეწყვიტა

მოსამართლემ პარლამენტის წინ კარვების გაშლის აკრძალვასთან დაკავშირებით, შვილმოკლული მამების მიერ სასამართლოში დაწყებული დავა შეწყვიტა.

მოსამართლის განმარტებით, კარვები დღეს უკვე გაშლილია რუსთაველის გამზირზე და შესაბამისად სასამართლო დავის გაგრძელების აზრს ის ვერ ხედავს.

„მე რაც მაინტერესებდა ამ კითხვაზე პასუხი ვერ მივიღეთ და როგორც ჩანს ვერასოდეს მივიღებ - რის საფუძველზე გვიკრძალავდნენ კარვების გაშლას?“, - ამბობს ზაზა სარალიძე.

"ახალგაზრდა იურისტთა ასოციაციის" თავმჯდომარე სულხან სალაძე კი ამბობს, რომ სასამართლოს გადაწყვეტილება ცუდი შეტყობინებაა.

„სასამართლომ თქვა, რომ რადგან დღეს კარავი გაშლილია, აღარ ვიმსჯელებ თავის დროზე შეზღუდვა იყო თუ არა კანონიერი“-ამბობს სალაძე.