პოლიტიკა

ზალბერთან ჩვენი შეშფოთება გამოვხატეთ და საქართველოს პოზიცია ავუხსენით - დავით დონდუა

საქართველოს საგარეო საქმეთა მინისტრის მოადგილის დავით დონდუას განცხადებით, უწყებამ ევროკავშირის სპეციალური წარმომადგენლის სამხრეთ კავკასიასა და საქართველოს კრიზისების საკითხებში და ჟენევის მოლაპარაკებების თანათავმჯდომარის ჰერბერტ ზალბერთან შეხვედრაზე თავისი შეშფოთება გამოხატა.

„ჩვენ-ჩვენი პოზიცია, ჩვენი შეშფოთება გამოვხატეთ და მას დეტალურად ავუხსენით საქართველოს პოზიცია ამასთან დაკავშირებით“, - განაცხადა დონდუამ.

დონდუამ აღნიშნა, რომ შეხვედრაზე მათ ზალბერის სოხუმსა და ცხინვალში გაკეთებულ ვიზიტებზე ისაუბრეს.

შეგახსენებთ, რომ ჰერბერტ ზალბერი ოკუპირებული სამხრეთ ოსეთის ე.წ. პრეზიდენტ ანატოლი ბიბილოვს შეხვდა და მას ე.წ. საპრეზიდენტო არჩევნებში გამარჯვება მიულოცა. ამის გამო ის დღეს საგარეო საქმეთა სამინსიტროში დაიბარეს.

ანა მებურიშვილი