პოლიტიკა

ვნახე, რომ რაღაც ფარისევლურ ვოიაჟებს აწყობენ უწმინდესთან -გიგი უგულავა

,,ევროპული საქართველოს“ წევრის, გიგი უგულავას განცხადებით, აღმასენებლის გამზირზე გუშინ პარტიის მიერ ორგანიზებულ აქციას არჩევნებთან არავითარი პირდაპირი კავშირი არ აქვს.

როგორც უგულავამ ტვ ,,პირველის’’ ეთერში განაცხადა, ეს იქიდან გამოჩნდა, რომ სხვა პარტიიის წარმომადგელებიც შეუერთდნენ აქციას, რომლითაც ,,ევროპულმა საქართველომ საქართველოში მზარდი რუსული ფაშიზმი გააპროტესტა.

უგულავას თქმით, რუსულ ფაშიზმს საქართველოში ახორციელებს ,,ქართული ოცნება და ის დაუსჯელი ჯგუფები, რომლებიც უკანასკნელი 4 წლის განმავლობაში მმართველი პარტიის სატელიტს წარმოადგენენ.

,,პიდაპირ რომ რუსეთიდან იკვებება ეს ტენდენციები, ამაზე არავინ დავობს. მოვისმინე განცხადებები - ,,მე საერთოდ პუტინი არ მინახავს,’’ და ბიბლიაზე იფიცებენ. რაღაც ფარისევლურ ვოაიაჟებს აწარმოებენ უწმინდესთან. ეს ყველაფერი არის ჩვეულებრივი შეფუთული ფარისევლობა, რომელიც უკვე ღია ჩვეულებრივ ფაშიზმში არის გადაზრდილი’’, - განაცხადა გიგი უგულავამ.

მისი თქმით, აუცილებელია საქართველო იყოს ღია ქვეყანა ტურისტებისა და ინვესტორებისთვის, რათა ქვეყნის ეკონომიკა გაძლიერდეს და მოსახლეობა დასაქმდეს.

ნინო ექვთიმიშვილი