პოლიტიკა

ვხედავთ, როგორ ექცევიან ერთმანეთს ნაციონალები და „ოცნების“ წევრები, ახლა შევხედავთ რა ხდება მიწისქვეშა დინებებში - ემზარ კვიციანი

პარლამენტის თავდაცვისა და უშიშროების კომიტეტის თავმჯდომარის მოადგილის პოსტი, ოპოზიციის კვოტით, ამ დრომდე ვაკანტურია.

პატრიოტთა ალინსიდან, ამ თანამდებობის დაკავების სურვილს ემზარ კვიციანი გამოთქვამს.

როგორც კვიციანმა საკითხის კომენტირებისას მედიას განუცხადა, ეს პრინციპული საკითხია.

„აქ არის პრინციპული საკითხი. აქ არის იმ მომენტი,რომ ვხედავთ ზედაპირულად როგორ ექცევიან ერთმანეთს ნაციონალები და „ოცნების“ წევრები. ახლა შევხედავთ, რა ხდება მიწისქვეშა დინებებში. ეს არის ტესტირება“,-აღნიშნა კვიციანმა.

ნაციონალური მოძრაობის წევრის ირაკლი აბესაძემ განაცხადა, ეს თანამდებობა პოლიტიკური მნიშნელობის საკითხია.

„ეს არის პოლიტიკური მნიშვნელობის საკითხი,თუ ვის აირჩევს „ქართული ოცნება“ამ მიმართულებით პოლიტიკურ პარტნიორად ნაციონალურ მოძრაობას თუ პატრიოტთა ალიანსს, რომელთა მიმართაც პრემიერის შეფასებებიც კი მოვისმინეთ, რომ მასაც აქვს მათ მიმართ კითხვის ნიშნები საგარეო პოლიტიკასთან მიმართებაში“,-აღნიშნა აბესაძემ.

მონიკა დავლიანიძე