პოლიტიკა

ვიზალიბერალიზაციის საკითხთან მიმართებაში, შესაძლოა, საქართველოს ნდობა დავკარგოთ - დონალდ ტუსკი

ევროპის საბჭოს პრეზიდენტი დონალდ ტუსკი ევროპარლამენტის პრეზიდენტს მარტინ შულცს საქართველოსა და უკრაინისთვის უვიზო რეჟიმის მინიჭებასთან დაკავშირებით წერილით მიმართავს, _ იტყობინება უკრაინული მედია.

როგორც წერილშია აღნიშნული, ევროკავშირის მმართველ ინსტიტუტებსა და წევრ-ქვეყნებს დიდი პოლიტიკური პასუხისმგებლობა აკისრიათ და მათ უკრაინასა და საქართველოს მხრიდან ნდობა არ უნდა დაკარგონ.

„ჩვენ, ჩვენს პარტნიორებს მოთხოვნები წავუყენეთ, და მათ მტკივნეული რეფორმების გასატარებლად დიდი ფასი გაიღეს, მეტიც, დიდი პოლიტიკური წნეხის ქვეშ იმყოფებოდნენ. მათ ამ გამოწვევებს დიდი რწმენით გაუმკლავდნენ, რომ ევროკავშირს საკუთარი პირობების შესრულება შეუძლია. შესაბამისად, მინდა გავიმეორო, რომ ჩვენ შესაძლოა ამ ქვეყნებთან არა მხოლოდ სოციალური, პოლიტიკური და ეკონომიკური ინტერესები დაკვარგოთ, არა მხოლოდ სამომავლო ურთიერთობა მეზობლებთან, არამედ, განსაკუთრებით, მათი მხრიდან ნდობაც დავკარგოთ“,-აღნიშნა ტუსკმა.

როგორც უკრაინული სააგენტო იტყობინება, წერილში, ევროსაბჭოს პრეზიდენტი აღნიშნავს, რომ სავიზო რეჟიმების შეფერხების მთავარი მიზეზია ევროპარლამენტსა და ევროსაბჭოს შეუთანხმებლობა ე.წ შეჩერების მექანიზმთან დაკავშირებით.

„სასწორზე მეზობელი ერების სამართლიანი იმედი და სწრაფვებია, ასევე ევროსაბჭოს რეპუტცია“,-აღნიშნა ტუსკმა.

ევროსაბჭოს პრეზიდენტმა იმედი გამოთქვა, რომ ევროპარლამენტი და ევროსაბჭო რაც შეიძლება სწრაფად მიაღწევენ კომპრომისს შეჩერების მექანიმზთან დაკავშირებით.

„დრო ჩვენს მხარეს არ არის, მაგრამ ჩვენ ამ მარათონის მოგება, ჯერ კიდევ შეგვიძლია“,-წერს დონალდ ტუსკი.

მონიკა დავლიანიძე