პოლიტიკა

ვიწყებთ ხელმოწერების შეგროვებას საკონსტიტუციო ცვლილებების ინიცირებისთვის - მარიამ ჯაში

„ქართული ოცნების“ შიდაპარტიული საკონსულტაციო შეხვედრა დასრულდა. როგორც საპარლამენტო უმრავლესობის წევრმა, მარიამ ჯაშმა განაცხადა, მმართველი პარტია იწყებს ხელმოწერების შეგროვებას საკონსტიტუციო ცვლილებებთან დაკავშირებით.

ჯაშმა აღნიშნა, რომ პარლამენტის თავმჯდომარე ახალი კონსტიტუციის განსახილველად 5-15 მაისამდე რეგიონებში შეხვედრებს გამართავს.

„დღეს უმრავლესობის ფორმატში დეტალურად განვიხილეთ კონსტიტუციური პროექტი და ვიწყებთ ხელმოწერებს საკონსტიტუციო ცვლილებების ინიცირებისთვის, მაგრამ მინდა ხაზი გავუსვა, რომ ვენეციის კომისიის რეკომენდაციები და სახალხო განხილვების შედეგად მიღებული რეკომენდაციები მაქსიმალურად გათვალისწინებული იქნება. 5-დან 15 მაისამდე საქართველოს პარლამენტის თავმჯდომარე პირადად გამართავს ყველა რეგიონში შეხვედრებს",- განაცხადა ჯაშმა.

ანა მებურიშვილი