პოლიტიკა

ვიწყებ კამპანიას დიდი ჯიხაიშიდან - სალომე ზურაბიშვილი

პრეზიდენტობის კანდიდატის, სალომე ზურაბიშვილის განცხადებით, ის ხელმოწერების შეგროვებას იწყებს. ამის შესახებ ზურაბიშვილმა ჟურნალისტებს ცესკო-ში განუცხადა, სადაც საპრეზიდენტო კანდიდატად რეგისტრაციის მიზნით, საინიციატივო ჯგუფთან ერთად იმყოფებოდა.

„დღეს ცესკოში ჩემი კანდიდატურა ოფიციალურად წარვადგინე. ეს არ არის საბოლოო რეგისტრაცია. მოგვიანებით უნდა მოვიტანოთ მხარდამჭერთა ხელმოწერები. ამაზე მუშაობას ხვალიდან ვიწყებთ იმისათვის, რომ თბილისსა და რეგიონებში ჩემი ყველა მხარდამჭერის ხელმოწერა შეგროვდეს. მეც ვივლი იმ ადგილებში, სადაც ხალხმრავლობაა და მონაწილეობას მივიღებ ხელმოწერების შეგროვებაში. ეს არის საზოგადოების ჩართულობის პირველი ნიშანი და მე ამას ძალიან დიდ ყურადღებას ვაქცევ.

ხუთშაბათს ვიწყებ კამპანიას დიდი ჯიხაიშიდან. იქ არის ნიკო ნიკოლაძის სახლ-მუზეუმი. მგონი, სწორია რომ მე იქედან დავიწყო ჩემი კამპანია. რაც ეხება ქართულ ოცნებას, მე იმათ მაგივრად ვერ ვისაუბრებ. თუ იქნება მათი ხმარდაჭერა, ეს იქნება ძალიან მნიშვნელოვანი და იმედი ამქვს იქნება. მე ვაყენებ დღეს დამოუკიდებელ კანდიდატურას, ვაგროვებ ხელმოწერებს და ბოლომდე გავიყვან“, - განაცხადა ზურაბიშვილმა.