პოლიტიკა

ვიქტორ დოლიძე დღეს იენს სტოლტენბერგს შეხვდება

საქართველოს ევროპულ და ევროატლანტიკურ სტრუქტურებში ინტეგრაციის სახელმწიფო მინისტრი ვიქტორ დოლიძე, დღეს, ნატო-ს გენერალურ მდივანს იენს სტოლტენბერგს შეხვდება.

აუდიენცია თბილისის დროით 13:00-ზეა ჩანიშნული.

გარდა ამისა, ბრიუსელში ვიზიტის ფარგლებში ვიქტორ დოლიძე ნატო-საქართველოს კომისიის სხდომაში მიიღებს მონაწილეობას, რომელზეც ნატო-საქართველოს სამომავლო გეგმებსა და თანამშრომლობის საკითხებს განიხილავენ.

როგორც მედიასთან საუბარში მინისტრმა აღნიშნა, იგი ისარგებლებს აღნიშნული ვიზიტით და უკვე ხვალ, 18 იანვარს, ევროკავშირის წევრი ქვეყნების ელჩებს შეხვდება.

„ნატოსთან დაკავშირებით შინაარსობრვიად, პრაქტიკული თვალსაზრისითც, საკმაოდ დატვირთული და საინტერესო მომავალი ექვსი თვე გვაქვს. ვიწყებ შეხვედრას ნატოს გენერალურ მდივანთან, ბატონ სტოლტენბერგთან, მერე გაგრძელდება იგი 28+1 ფორმატში, ნატო-საქართველოს კომისიის ფარგლებში შეხვედრა, რომელიც შეეხება გასული წლის ყოველწლიური პროგრამის შეფასებას. გამომდინარე იქიდან, რომ ბრიუსელში ვიმყოფები, გამოვიყენე ეს პერიოდი და 18-ში, მეორე დღეს, მექნება ევროკავშირის ევროგაერთიანებებთან შეხვედრები“,-აღნიშნა დოლიძემ.

მონიკა დავლიანიძე