პოლიტიკა

ვინ მოკლა თემირლან მაჩალიკაშვილი? - ნატო ჩხეიძე გიორგი გახარიას

„რა აუცილებლობა არსებობდა, რომ თემირლან მაჩალიკაშვილის ბინაში ჩატარებულიყო სპეცოპერაცია“, - ამ შეკითხვით დამოუკიდებელმა დეპუტატმა ნატო ჩხეიძემ შს მინისტრ გიორგი გახარიას მიმართა.

„აქ შეკითხვები დაისვა ხორავას ქუჩის ტრაგედიასთან დაკავშირებით. როგორც ჩანს, ეს საკითხი ბევრ დეპუტატს ძალიან აწუხებს, მათ შორის „ქართული ოცნების“ წარმომადგენლებსაც და იმედია, რომ თქვენგან შესაბამის პასუხებს მოვისმენთ.

მე მინდა შეკითხვა დავსვა მაჩალიკაშვილთან დაკავშირებით, ბატონო მინისტრო, მსგავსი შეკითხვები, რაც ბატონ სარალიძის შვილთან დაკავშირებით დაისვა. ვინ მოკლა თემირლან მაჩალიკაშვილი, ამ მკვლელობის რა აუცილებლობა იყო და სპეცოპერაციის ჩატარების რა აუცილებლობა იყო მაჩალიკაშვილის ბინაში?“, - იკითხა ნატო ჩხეიძემ.