პოლიტიკა

ვინ გითხრათ, რომ დღე-დღეზე დამაპატიმრებენ, ეგ არის სრული სისულელე - მიხეილ სააკაშვილი

მიხეილ სააკაშვილის განცხადებით, სრული სისულელეა იმაზე ლაპარაკი, რომ მას დღე-დღეზე დააპატიმრებენ.

,,ვინ გითხრათ, რომ დღე-დღეზე დამაპატიმრებენ? ეგ არის სრული სისულელე. ამის არც რესურსი, არც ძალა, არც თავი არ აქვთ და არც შემსრულებლები არ ჰყავთ“, - განაცხადა სააკაშვილმა რუსთავი 2-ის გადაცემაში ,,არჩევანი“ კიევიდან ჩართვისას.

საქართველოს ექსპრეზიდენტის თქმით, ის, რაც ახლა უკრაინაში ხდება, ძალიან ჰგავს შევარდნაძის დროინდელ საქართველოს.

„პოროშენკოს რომ ჰქონდეს ჯადოსნური ჯოხი, აუცილებლად აიქნევდა და გამაქრობდა აქედან და იგორ კიო ან კოპერფილდი რომ იყოს. არ გამოდის, ასე არ ხდება. მე ვარ ფაქტორი უკრაინის და დავრჩები ფაქტორად,“ - განაცხადა სააკაშვილმა.

მისივე თქმით, ის არ აპირებს რაიმე თანამდებობის დაკავებას და აქვს ერთადერთი სურვილი, რომ ხელისუფლება მშვიდობიანი გზით შეიცვალოს.

სააკაშვილის განცხადებით, ,,თუ ივანიშვილთან მოლაპარაკებებით უკრაინის ხელისუფლებას წაუცდა ხელი, შესაძლოა, რომ ის მოიტაცონ და იძულებითი წესით გამოამგზავრონ საქართველოში.“

„ერთადერთი გზაა, რომ მომიტაცონ, ჩამტენონ თვითმფრინავში და გამომაგდონ. ამას მოჰყვება უკრაინის მთავრობის დამხობა და პრეზუდნეტის და მეორე, ძალიან დააჩქარებს ეს ივანიშვილის მოქესტვას საქათველოდან,“ - აცხადებს სააკაშვილი.

მისივე თქმით, ამ შემთხვევაში ის არ აპირებს საქართველოში ციხეში მშვიდად ჯდომას და აუცილებლად გააგრძელებს ბრძოლას, რომელიც ივანიშვილის რეჟიმს დაასრულებს.

,,ეს ბრძოლა იქნება ოლიგარქების წინააღმდეგ“, - განაცხადა სააკაშვილმა.