პოლიტიკა

ვიმედოვნებთ, რომ ხარვეზები გამოსწორდება მეორე ტურში - ელიზაბეტ რუდი

„ჩვენ ვუყურებთ არჩევნებს, როგორც კიდევ ერთ შესაძლებლობას, რომ საქართველომ წარმოაჩინოს თავისი დემოკრატიული საარჩევნო სისტემა“, - ამის შესახებ აშშ-ის ელჩის მოვალეობის შემსრულებელმა საქართველოში ელიზაბეტ რუდმა ჟურნალისტებს საქართველოს საპრეზიდენტო არჩევნებთან დაკავშირებით დასმული კითხვის საპასუხოდ განუცხადა.

რუდიმ იმედი გამოთქვა, რომ ხარვეზები, რომელიც არჩევნების პირველ ტურში დაფიქსირდა, მეორე ტურში გამოსწორდება.

„აშშ-ის საელჩო ეთანხმება ეუთოს სადამკვირვებლო მისიის შეფასებას, რომ არჩევნების პირველი ტური ჩატარდა კონკურენტულ გარემოში და ამომრჩევლებს ჰქონდათ უფლება და საშუალება, დაეფიქსირებინათ თავისი ნება. ჩვენი საელჩო ასევე იზიარებს იმ საკითხებს და პრობლემებს, რაც დაფიქსირდა არჩევნებზე ხარვეზების სახით და ვიმედოვნებთ, რომ ხარვეზები გამოსწორდება მეორე ტურში. ჩვენ ვუყურებთ არჩევნებს, როგორც კიდევ ერთ შესაძლებლობას, რომ საქართველომ წარმოაჩინოს თავისი დემოკრატიული საარჩევნო სისტემა“, - განაცხადა ელჩის მოვალეობის შემსრულებელმა.