პოლიტიკა

ვფიქრობ, რომ ეკონომიკური გუნდის გადახალისება საჭირო იყო - დიმიტრი ცქიტიშვილი

საგარეო ურთიერთობათა საპარლამენტო კომიტეტის თავმჯდომარის მოადგილის, დიმიტრი ცქიტიშვილის განცხადებით, რამდენიმე მინისტრი თანამდებობაზე აღარ დარჩება, მათ შორის საგარეო საქმეთა მინისტრის მოვალეობის შემსრულებელი მიხეილ ჯანელიძე.

მისი შეფასებით, საჭირო იყო ეკონომიკური გუნდის გადახალისება.

„ეს პრემიერ-მინისტრობის კანდიდატის პრეროგატივაა, თუმცა ვფიქრობ, რომ ეკონომიკური გუნდის გადახალისება საჭირო იყო“, – განაცხადა ცქიტიშვილმა.

მისი შეფასებით, მმართველ გუნდში ბევრი რესურსი და ალტერნატივაა მთავრობის ახალი შემადგენლობის დაკომპლექტებისთვის.

ცქიტიშვილმა აღნიშნა, რომ საჭიროა სოციალურ პოლიტიკაზე კონცენტრირება, რათა დახმარების პოლიტიკიდან ქვეყანა სამუშაო ადგილების შექმნის პოლიტიკაზე გადავიდეს, რათა ყველა ოჯახმა იგრძნოს ეკონომიკური წარმატება.

დეპუტატმა ნდობა გამოუცხადა პრემეირობის კანდიდატ მამუკა ბახტაძეს და განაცხადა, რომ მის მიერ წარდგენილ მინისტრთა კაბინეტს მხარს დაუჭერს.