პოლიტიკა

ვფიქრობ, ომბუდსმენის არჩევის წესზე მწვავე დისკუსია გაიმართება - ვახუშტი მენაბდე

კონსტიტუციონალისტი ვახუშტი მენაბდის თქმით, საკონსტიტუციო კომისიის დღევანდელ სამუშაო შეხვედრაზე აქტიური დისკუსია გაიმართება ომბუდსმენის არჩევის წესზე.

„აქტუალური საკითხი იქნება სახალხო დამცველის შესახებ კოსნტიტუციური ნორმა, რომლის მიხედვითაც ჩვენ ვცდილობთ, რომ ეს იყოს მაღალი დამოუკიდებლობის, პოლიტიკურ ძალებს შორის კონსესუსის წესით არჩეული პირი. ალბათ ამაზე მწვავე დისკუსია გაიმართება, იმიტომ რომ წინასწარი განცდა მაქვს, რომ ამ თემაზე აზრთა სხვადასხვაობა არსებობს“, - განაცხადა მენაბდემ სამუშაო შეხვედრის დაწყების წინ.

ომბუდსმენის არჩევის წესის გარდა საკონსტიტუციო კომისიაში ასევე იმსჯელებენ სასამართლო ხელისუფლების ფორმირების შესახებ, კერძოდ, რა კრიტერიუმს უნდა აკმაყოფილებდეს და როგორ უნდა დაინიშნოს მოსამართლე.

ანა მებურიშვილი