პოლიტიკა

ვერც ეკლესიასა და ვერც პატრიარქს ვერაფერს ავნებთ - რა არ მოსწონს პარლამენტის წევრს ქართულ სერიალებსა და ტოქშოუებში (ვიდეო)

„ამ ადამიანებს ეკლესია სძულთ, ისინი ქართველი ერის მართლმადიდებელი სარწმუნოებისადმი ერთგულებას ვერ ეგუებიან და ყველანაირი ბინძური მეთოდებით, შეკვეთილი სიუჟეტებითა და სტატიებით პატრიარქისა და საპატრიარქოს ავტორიტეტის შელახვას ცდილობენ“, - დეპუტატმა ალექსანდრე ერქვანიამ გარკვეული პოლიტიკური ძალები, ჟურნალისტები და არასამთავრობო ორგანიზაციები პატრიარქისა და ეკლესიის დისკრედიტაციაში დაადანაშაულა პარლამენტის დღევანდელ პლენარულ სხდომაზე.

ერქვანიას შეფასებით, „სერიალებში, ტოქშოუებსა და გასართობ შოუებში სასულიერო პირთა დაცინვა და გაქილიკება“ გახშირდა. დეპუტატი ამის შეჩერებას ითხოვს.

„გაფრთხილებთ, ქართული ერის მოთმინებას ნუ ცდით და ვინც არ უნდა დაგაფინანსოთ, მიზანს ვერასოდეს ვერ მიაღწევთ - ვერც ეკლესიას და ვერც პატრიარქს ვერაფერს ავნებთ“, - აღნიშნა საპარლამენტო უმრავლესობის წევრმა.