პოლიტიკა

ვემხრობი, რომ დონბასსა და დანარჩენ უკრაინას შორის კედელი ავაშენოთ - მიხეილ სააკაშვილი

საქართველოს ყოფილი პრეზიდენტისა და ოდესის ყოფილი გუბერნატორის, მიხეილ სააკაშვილის განცხადებით, ის ემხრობა ოკუპირებულ დონბასსა და დანარჩენ უკრაინას შორის გამყოფი კედლის მშენებლობას. ამის შესახებ მან სამხედრო მოსამსახურეებთან შეხვედრის დროს განაცხადა.

„მომხრე ვარ, ავაშენოთ დიდი კედელი (არა იაცენიუკისნაირი, არამედ ნამდვილი) და დროებით გამოვყოთ დონბასის ოკუპირებული ნაწილი, რათა ვკონცენტრირდეთ დანარჩენ უკრაინაზე“, - აღნიშნულია სააკაშვილის ფეისბუკის გვერდზე.

მისი თქმით, უკრაინა ოკუპირებულ ტერიტორიებს მაშინ დაიბრუნებს, როცა განვითარდება და კორუფციას დაამარცხებს.

„ჩვენ აუცილებლად დავიბრუნებთ ოკუპირებულ ტერიტორიებს, მას შემდეგ, რაც დავამარცხებთ კორუფციას და დავიწყებთ სწრაფ განვითარებას. თუმცა, ის უფრო მალე რომ დავიბრუნოთ, ცვლილებები უპირველესად უნდა მოხდეს კიევში“, - თქვა სააკაშვილმა.

ანა მებურიშვილი