პოლიტიკა

უზენაესი სასამართლოს მოსამართლეობის კანდიდატების სიის გაწვევა არის იუსტიციის საბჭოს პრეროგატივა, ეს პარლამენტის საქმე არ არის - მამუკა მდინარაძე

საპარლამენტო ფრაქცია „ქართული ოცნების“ თავმჯდომარის, მამუკა მდინარაძის განცხადებით, კახეთში გამართულ შეხვედრაზე უმრავლესობის შიდა ამბებსა და პერსონებზე საუბარი არ ყოფილა.

„კაჭრეთში იმართება სემინარი და აქ არ ყოფილა საუბარი საპარლამენტო უმრავლესობის შიდა ამბებზე, არც პერსონებზე. უმრავლესობის სხდომა საგაზაფხულო სესიამდე გაიმართება და იქ იქნება სხვა საკითხებზე მსჯელობა“, – განაცხადა მდინარაძემ.

უზენაესი სასამართლოს მოსამართლეობის კანდიდატებზე დასმული კითხვის საპასუხოდ მდინარაძემ აღნიშნა, რომ კითხვები არსებობს მოსამართლეების სიაზე საზოგადოებაში და უნდა გაეცეს პასუხი.

„უზენაესი სასამართლოს მოსამართლეობის კანდიდატების სიის გაწვევა არის იუსტიციის საბჭოს პრეროგატივა, ეს პარლამენტის საქმე არ არის. ჩვენი საქმეა, ვიმსჯელოთ ყველა კანდიდატზე ინდივიდუალურად და მივიღოთ გადაწყვეტილება. ჩვენი ყველას საერთო ინტერესია სასამართლოს დამოუკიდებლობა და გაძლიერება”, – განაცხადა მდინარაძემ