სამართალი

უზენაესი სასამართლო რუსთავი 2-ის საქმის განხილვას 21 ნოემბრიდან ზეპირი მოსმენის გარეშე დაიწყებს

უზენაესი სასამართლო რუსთავი 2-ის საქმის არსებით განხილვას 21 ნოემბრიდან დაიწყებს.

რუსთავი 2-ის ინფორმაციით, ამის შესახებ სასამართლოდან ტელეკომპანიის იურისტებს აცნობეს.

სამაუწყებლო კომპანია რუსთავი 2 მოითხოვდა, რომ მაღალი საზოგადოებრივი ინტერესის გამო, ტელეკომპანიის საქმის განხილვა ზეპირი მოსმენით წარმართულიყო, თუმცა უზენაესმა სასამართლომ ეს შუამდგომლობა არ დააკმაყოფილა და საქმეს ზეპირი მოსმენის გარეშე განიხილავს.

,,ვინაიდან ეს დავა არ არის სუფთა სამართლებრივი და ეს რომ სამართლებრივი დავა ყოფილიყო, პირველ ინსტანციაშივე სულ სხვა გადაწყვეტილება იქნებოდა. ამ ლოგიკიდან გამომდინარე ცხადია, სამართლებრივად არსებობს იმის მოლოდინი, რომ შესაძლოა, გადაწყვეტილება არ იყოს სამართლიანი და დადგეს სიტყვის თავისუფლების წინააღმდეგ. უზენაესი სასამართლოს მოსამართლეებს აწევთ ამხელა ტვირთი და გვაქვს იმედი მათი პატიოსნების და პროფესიული ღირსების’’, - განაცხადა ტელეკომპანიის ადვოკატმა, თამთა მურადაშვილმა.

ნინო ექვთიმიშვილი