პოლიტიკა

უვიზო მიმოსვლის ამოქმედების შემდეგ ევროკავშირში საქართველოს მოქალაქეთა 99.7% შეუშვეს - თამარ ხულორდავა

პარლამენტის ევროპასთან ინტეგრაციის კომიტეტის თავმჯდომარის, თამარ ხულორდავას განცხადებით, ევროკავშირთან უვიზო მიმოსვლის ამოქმედების შემდეგ ევროკავსირის საზღვარი საქართველოს მოქალაქეტა 99.7%-მა გადალახა.

„გვახსოვს, რომ დიდი იყო შიში. ამბობდნენ, რომ არაფერი შეიცვლებოდა და საზღვრებიდან მოაბრუნებნდნენ ჩვენს მოქალაქეებს, მაგრამ რეალურად კარგი მდგომარეობა გვაქვს. უვიზო მიმოსვლის ამოქმედებიდან დღემდე 37 600 მოქალაქეზე მეტმა ისარგებლა ახალი შესაძლებლობით და აქედან მხოლოდ 0, 3 %-ს ეთქვა უარი საზღვრის გადაკვეთაზე. ევროკავშირი იცავს და ასრულებს თავის პირობებს. ახლა დრო არის, რომ ჩვენმა მოქალაქეებმაც შეასრულონ ის მოთხოვნები, რასაც უვიზო მიმოსვლის შესახებ შეთანხმება ითვალისწინებს და ვადები არ დაარღვიონ“, - განაცხადა ხულორდავამ.

შეგახსენებთ, საქართველოსა და ევროკავშირს შორის უვიზო მიმოსვლა 28 მარტს ამოქმედდა.