პოლიტიკა

უშიშროების საბჭოს აპარატი ხვალ სტრატეგიული დისკუსიის საერთაშორისო შეხვედრას გამართავს

საქართველოს პრეზიდენტის ინიციატივით და ეროვნული უშიშროების საბჭოს აპარატის ორგანიზებით, პარასკევს, 2 ივნისს პრეზიდენტის სასახლეში თბილისის სტრატეგიული დისკუსიის ფარგლებში გაიმართება მრგვალი მაგიდა თემაზე: საკონსტიტუციო ცვლილებების გავლენა საქართველოს ეროვნული უშიშროებისა და თავდაცვის სისტემაზე.

ეროვნული უშიშროების საბჭოს აპარატის ინფორმაციით, შეხვედრა ტარდება „თავდაცვისა და უსაფრთხოების საკითხებზე სამოქალაქო საბჭოსთან“, „შეირაღებულ ძალებზე დემოკრატიული კონტროლის ცენტრთან“ (DCAF, ჟენევა) და „საქართველოში ნატოს სამეკავშირეო ოფისთან“ (NLO) თანამშრომლობით.

დისკუსია, რომლის მიზანია მომზადდეს კონკრეტული რეკომენდაციები თავდაცვისა უსაფრთხოების საკითხებთან დაკავშირებულ საკონსტიტუციო ცვლილებებზე, დილის 10 საათზე გაიხსნება.