პოლიტიკა

უპირველეს ყოვლისა, კობახიძემ უნდა გააცნობიეროს ის, თუ როგორ მოხდება შეთანახმება საკონსტიტუციო პაკეტზე - ფიქრია ჩიხრაძე

პრეზიდენტის მრჩეველი ფიქრია ჩიხრაძე გამოეხმაურა პარლამენტის თავმჯდომარის, ირაკლი კობახიძის წინადადებას, რომ პრეზიდენტთან ერთად საკონსტიტუციო ცვლილებებზე პირდაპირ ეთერში ილაპარაკოს.

ჩიხრაძის თქმით, კობახიძემ უნდა იზრუნოს კონსესუსის მიღწევაზე და არა პრეზიდენტთან დებატების მოწყობაზე.

„ერთია, დიალოგისკენ წავიდეთ, მეორეა - პრეზიდენტს უმტკიცო პოზიციის სისწორე. მთელმა ამ პროცესმა დაგვანახა, რომ შესაძლოა პოლიტიკურ პარტიებს ჰქონდეს თავისი აზრი, პრეზიდენტს თავისი აზრი, პარლამენტის თავმჯდომარეს - თავისი აზრი, მაგრამ მნიშვნელოვანია არა ცალკეული პოზიცია, არამედ ის თუ რაზე მოხდება შეთანხება. ამიტომ ეს უნდა გააცნობიეროს, უპირველეს ყოვლისა, პარლამენტის თავმჯდომარემ და არა მცირე სკანდალების შექმნით გავიდეს ფონს“, - განაცხადა ჩიხრაძემ.

საქართველოს პარლამენტის თავმჯდომარემ, ირაკლი კობახიძემ პრეზიდენტს წინადადებით მიმართა, პირდაპირ ეთერში ისაუბრონ საკონსტიტუციო რეფორმებთან დაკავშირებით. კობახიძის თქმით, ეს დაეხმარება მოსახლეობას, უკეთ გაერკვას საკონსტიტუციო პროექტში.