პოლიტიკა

უნდა იყოს უზრუნველყოფილი ის, რომ მირზა სუბელიანი ქვეყნიდან არ გავიდეს - ოთარ კახიძე

ხორავას ქუჩაზე მოზარდების მკვლელობის საქმის შემსწავლელი დროებითი საპარლამენტო საგამოძიებო კომისიის მდივნის, ოთარ კახიძის განცხადებით, საჭიროა ზომების მიღება, რათა პროკურატურის ყოფილი თანამშრომელი მირზა სუბელიანი გამოძიებას არ დაემალოს.

„მე არ მაქვს ინფორმაცია, რომ მას საქართველოს დატოვების განზრახვა აქვს, მაგრამ ამ საქმეში მისი უკანონო ჩართულობის შესახებ იმდენად მნიშვნელოვანი ინფორმაცია არსებობს, რომ უნდა იყოს უზრუნველყოფილი ის, რომ მირზა სუბელიანი ქვეყნიდან არ გავიდეს“, – უპასუხა კახიძემ გადაცემის „კვირის ინტერვიუ“ წამყვანის შეკითხვას, აქვს თუ არა მას ინფორმაცია, რომ მირზა სუბელიანი საქართველოს დატოვებას აპირებს.

დეპუტატმა ასევე აღნიშნა, რომ უნდა იყოს უზრუნველყოფილი, რომ სუბელიანმა მოწმეებზე არ მოახდინოს ზეგავლენა მოწმეებზე. კახიძემ თქვა, რომ იმ სურათის მიხედვით, რომელიც ამ საქმეში დაზარალებულთან და მის ადვოკატთან საუბრის, თუ სახალხო დამცველთან კონსულტაციების შედეგად იკვეთება, მირზა სუბელიანი მაქსიმალურად შებოჭილი უნდა იყოს, რომ საქმის მოწმეებზე გავლენა ვერ მოახდინოს.