პოლიტიკა

უნდა დავაჩქაროთ პროცესები, რაც ძალიან მნიშვნელოვანია საქართველოსთვის - ლუბომირ ზაორალეკი

ჩვენდამი ნდობას შესაძლოა, პრობლემა შეექმნას და ამიტომ ვფიქრობ, რომ უნდა დავაჩქაროთ პროცესები, რაც ძალიან მნიშვნელოვანია საქართველოსთვის, - ასე უპასუხა ჩეხეთის საგარეო საქმეთა მინისტრმა, ლუბომირ ზაორალეკმა ვიზის ლიბერალიზაციის პროცესთან დაკავშირებით ქართველი ჟურნალისტების მიერ დასმულ შეკითხვას ბრიუსელში, სადაც ევროკავშირის საგარეო საქმეთა მინისტრების შეხვედრა მიმდინარეობს.

,,მე გადავწყვიტე, მოვუწოდო ყველას, მხარი დაუჭირონ საქართველოს და უკრაინას. ჩვენ უნდა შევასრულოთ აღებული ყველა ვალდებულება იმისთვის, რომ ვიყოთ სანდო. ამიტომ, მე მზად ვარ და ვგრძნობ თავს ვალდებულადაც, რომ ყველას მხარდაჭერისკენ მოვუწოდო. დროებითი შეჩერების მექანიზმი განხილვის სტადიაზეა და ძალიან ვწუხვარ, რომ ამ საკითხზე მსჯელობა პროცესს ართულებს. ჩვენდამი ნდობას შესაძლოა, პრობლემა შეექმნას და ამიტომ ვფიქრობ, რომ უნდა დავაჩქაროთ პროცესები, რაც ძალიან მნიშვნელოვანია საქართველოსთვის’’, - განაცხადა ლუბომირ ზაორალეკმა.

ნინო ექვთიმიშვილი