პოლიტიკა

უმთავრესი მიზანია ნარკომოხმარების შემცირება - ირაკლი კობახიძე

პარლამენტის თავმჯდომარის, ირაკლი კობახიძის განცხადებით, ნარკოპოლიტიკის მიზანია ნარკომომხმარებლების შემცირება.

მისი თქმით, ამ მიმართულებით მთავარია დაბალანსებული პოლიტიკის განხორციელება.

„ეს არის უმთავრესი პრიორიტეტი. ერთი მხრივ, უნდა იყოს ჰუმანური პოლიტიკა, მაგრამ მეორე მხრივ, ძალიან მნიშვნელოვანია მიზნებს ვაღწევდეთ ამ პოლიტიკით. უმთავრესი მიზანი არის მოხმარების შემცირება და ამაზე იქნება აგებული თითოეული გადაწყვეტილება, რომელსაც მივიღებთ“, – განაცხადა კობახიძემ.

მისივწე თქმით, მარიხუანის მოხმარებასთან დაკავშირებით საკონსტიტუციო სასამართლოს მიერ მიღებული გადაწყვეტილების ჭრილში საჭიროა მკაცრი რეგლამენტაცია არსებული ვაკუუმის შესავსებად და ამ მიმართულებით მუშაობა გრძელდება, მათ შორის სხვა სახის ნარკოტიკებთან დაკავშირებით.

„აქაც დაბალანსებული გადაწყვეტილებები მიიღება. ერთი მხრივ, მიზანი ჰუმანური პოლიტიკაა და მეორე მხრივ, ნარკომოხმარების შემცირება. საშემოდგომო სესიაზე ეს აუცილებლად იქნება მიღებული“, – განაცხადა კობახიძემ.