პოლიტიკა

უმრავლესობის წევრები – ანრი ოხანაშვილი და ლევან გოგიჩაიშვილი ერთმანეთს სიტყვერად დაუპირისპირდნენ

იურიდიულ საკითხთა კომიტეტის სხდომაზე უმრავლესობის წევრები – ანრი ოხანაშვილი და ოხანასჰვილი_გოგიცჰაისჰვილი_ ერთმანეთს სიტყვერად დაუპირისპირდნენ.

კამათი იურიდიულ საკითხთა კომიტეტის სამოქმედო გეგმის პროექტმა გამოიწვია.

როგორც ლევან გოგიჩაიშვილმა განაცხადა, მისი გვარი ამოღებულია ორი კანონპროექტიდან, სადაც ის გეგმის თავდაპირველი ვარიანტით პასუხისმგებელ პირთა შორის იყო.

„ჩამწერეთ ისე, როგორც აქამდე ეწერა და მოიქეცით ისე, როგორც უნდა იქცეოდეს პარლამენტის წევრი“, - მიმართა გოგიჩაიშვილმა ანრი ოხანაშვილს.

თავის მხრივ, ოხანაშვილი განმარტა, რომ კომიტეტის სამოქმედო გეგმის ფარგლებში გათვალისწინებულ კანონპროექტებზე ყველა დეპუტატი, როგორც კომიტეტის პასუხისმგებელი პირი, მათი სურვილის მიხედვით შეირჩა. ხოლო ლევან გოგიჩაიშვილს ჯერ სიტყვით გამოსვლის უფლებას ვერ მისცემდა, რადგან მანამდე სხვებისთვის უნდა დაეთმო რეგლამენტით გათვალისწინებული დრო. სწორედ ამას მოჰყვა მცირე კამათი ოხანაშვილსა და გოგიჩაიშვილს შორის.

„წესიერად, ხმას დაუწიე,“ – მიმართა ანრი ოხანაშვილმა ლევან გოგიჩაიშვილს.

ოხანაშვილმა ლევან გოგიჩაიშვილს ხმადაბლა საუბრისკენ მოუწოდა, წინააღმდეგ შემთხვევაში კი აღნიშნა, რომ კომიტეტის სხდომის დატოვებას მოსთხოვდა.