პოლიტიკა

უმრავლესობის სხდომაზე განვიხილავთ საკონსტიტუციო ცვლილებებზე ოპოზიციასთან კონსულტაციების შესაძლო ფორმატებს - არჩილ თალაკვაძე

„ქართული ოცნების“ წევრის, არჩილ თალაკვაძის განცხადებით, დღეს უმრავლესობა სხდომას გამართავს, სადაც იმსჯელებენ საკონსტიტუციო ცვლილებებზე ოპოზიციასთან კონსულტაციების სავარაუდო ფორმატების შესახებ.

„დღეს, „ქართული ოცნების“ ცენტრალურ ოფისში, უმრავლესობის სხდომა გვექნება. შევაჯამებთ და განვიხილავთ საგაზაფხულო სესიის შედეგებს, რომელზეც ახალ კონსტიტუციასთან ერთად, თამბაქოს კონტროლის, საგზაო მოძრაობის უსაფრთხოების, გარემოსდაცვით და სხვა სფეროებში არაერთი მნიშვნელოვანი კანონი მივიღეთ. ვიმსჯელებთ წინასაარჩევნო კამპანიის ამოცანებზე და განვიხილავთ საკონსტიტუციო ცვლილებებზე ოპოზიციასთან კონსულტაციების შესაძლო ფორმატებს, რომელიც საშემოდგომო სესიამდე გაიმართება“, -განაცხადა თალაკვაძემ.

ანა მებურიშვილი