პოლიტიკა

უმრავლესობის დახურულ სხდომაზე საუბარი ნარკოპოლიტიკის საკითხებს შეეხო - მამუკა მდინარაძე

საპარლამენტო ფრაქცია „ქართული ოცნების“ თავმჯდომარის, მამუკა მდინარაძის განცხადებით, საპარლამენტო უმრავლესობის დახურულ სხდომაზე საუბარი ნარკოპოლიტიკას შეეხო.

ამის შესახებ მდინარაძემ მედიას სხდომის დასრულების შემდეგ განუცხადა.

„განიხილებოდა ძირითადად ნარკოპოლიტიკის საკითხები. არ დაგიმალავთ, რომ ამასთან დაკავშირებით გუნდში არის აზრთა სხვადასხვაობა და საბოლოოდ, ჩვენ უნდა ჩამოვყალიბდეთ იმ დაპირებულ, ლიბერალურ ნარკოპოლიტიკაზე, რომელიც ერთის მხრივ, უზრუნველყოფს მოხმარების აღმოფხვრას, შემცირებას და მეორეს მხრივ, სანქციების გამკაცრებას ნარკოგამსაღებლების მიმართ. გარდა ამისა, იყო სხვა მიმდინარე საკითხებზე საუბარი“,-აღნიშნა მამუკა მდინარაძემ.

მონიკა დავლიანიძე