პოლიტიკა

უმრავლესობა ცდილობს შეცვალოს კონსტიტუცია და საკუთარ ტყავზე მოირგოს - რომან გოცირიძე

საპარლამენტო ფრაქცია „ნაციონალური მოძრაობის“ წევრის, რომან გოცირიძის განცხადებით, უმრავლესობა ცდილობს საპრეზიდენტო ინსტიტუტის შესუსტებას კონსტიტუციის გადაწერის გზით.

„დღეს ამ დარბაზში ჩვენ ნათლად ვხედავთ, რომ საქართველოში ხდება ფაქტობრივად, კონსტიტუციური გადატრიალება. თქვენ არ მოგწონთ, რომ პრეზიდენტი იყენებს ვეტოს უფლებას. თურმე რა ჩაუდენია პრეზიდენტს, რომ 6-ჯერ გამოუყენებია თავისი კონსტიტუციური უფლება და თქვენ ანტისახელმწიფოებრივი ქმედება უწოდეთ პრეზიდენტის მიერ საკუთარი უფლებების გამოყენებას. ქვეყანაში კონსტიტუციის ჭრა-კერვა და მორგება საკუთარი პოლიტიკური ძალაუფლების შენარჩუნების მიზნით, ეს არის დღევანდელი ხელისუფლების პოლიტიკური ქმედების მთავარი მიზანი. ებრძვით პრეზიდენტის ინსტიტუტს. თქვენ გინდათ, რომ შეცვალოთ კონსტიტუცია და საარჩევნო კანონი საკუთარ ტყავზე მოირგოთ“, - განაცხადა გოცირიძემ პარლამენტში, დებატებზე სიტყვით გამოსვლის დროს.

ანა მებურიშვილი