პოლიტიკა

უმრავლესობა მიზანმიმართულად ახორციელებდა ფარს, რომელიც ვითომდა მიმართული იყო დიალოგის ხელახლა დაწყებისკენ - გიორგი ტუღუში

„ევროპული საქართველოს“ წევრის გიორგი ტუღუშის შეფასებით, საპარლამენტო უმრავლესობა მიზანმიმართულად ახორციელებდა ფარს, რომელიც ვითომდა დიალოგის ხელახლა გამართვისკენ იყო მიმართული.

ამის შესახებ ტუღუშმა კონსტიტუციის პროექტთან დაკავშირებით ოპოზიციასა და მმართველ გუნდს შორის არშემდგარი დიალოგის კომენტირებისას განაცხადა.

„ჩვენ არაერთხელ გავნაცხადეთ, რომ უმრავლესობა მიზანმიმართულად ახორციელებდა ფარს, რომელიც ვითომდა მიმართული იყო დიალოგის ხელახლა დაწყებისკენ და ვითომდა ისინი აპირებდნენ კონკრეტულ დათმობებეზე წასვლას. თუმცა, სამწუხაროდ, თავიდანვე ცხადი იყო, რომ ეს პროცესი შესული იყო საბოლოო ჩიხში და მიუხედავად იმისა,რომ ვენეციის კომისია ძალიან მონდომებული იყო რაიმე გარღვევისთვის მიეღწია ამ მიმართულებით, როგორცჩანს ეს ვერ მოხერხდება“,-აღნიშნა ტუღუშმა.

მონიკა დავლიანიძე