საზოგადოება
უმნიშვნელო ოდენობის სახელმწიფო დახმარების მოცულობამ 2024 წელს 5 313 225 ლარი შეადგინა - კონკურენციის სააგენტო
საქართველოს კონკურენციისა და მომხმარებლის დაცვის სააგენტო(GCCA) სახელმწიფოს მიერ უმნიშვნელო ოდენობის ინდივიდუალური დახმარების გაცემის შესახებ ინფორმაციას აქვეყნებს. GCCA-ის მიერ დამუშავებული მონაცემების მიხედვით, საქართველოში – სხვადასხვა უწყებების მიერ, 2024 წელს, ქვეყანაში გაცემულია 28 ერთეული უმნიშვნელო ოდენობის ინდივიდუალური სახელმწიფო დახმარება, საერთო მოცულობით 5 313 225 ლარი.
2024 წელს უმნიშვნელო ოდენობის ინდივიდუალური სახელმწიფო დახმარების გამცემ ყველაზე მსხვილ ორგანოს წარმოადგენდა ოზურგეთის მუნიციპალიტეტი, რომელსაც მოჰყვება აჭარის ავტონომიური რესპუბლიკის ფინანსთა და ეკონომიკის სამინისტრო და ლანჩხუთის მუნიციპალიტეტი. სახელმწიფო დახმარების ფორმას ძირითადად წარმოადგენდა ფინანსური დახმარება (73%) და ხელშეკრულებით გათვალისწინებული დარიცხული პირგასამტეხლოსგან გათავისუფლება (27%).
2023 წელს, უმნიშვნელო ოდენობის ინდივიდუალური სახელმწიფო დახმარებამ, საერთო მოცულობით 8 337 803 ლარი შეადგინა, 2022 წელს, 3 010 036 ლარი, ხოლო 2021 წელს 14 744 673 ლარი.
კანონმდებლობით მინიჭებული უფლებამოსილების ფარგლებში დახმარების გამცემი ორგანო ვალდებულია, ყოველწლიურად, საანგარიშო წლის მომდევნო წლის პირველ თებერვლამდე, გაცემული უმნიშვნელო ოდენობის ინდივიდუალური სახელმწიფო დახმარების ოდენობის, მისი გაცემის ვადისა და მიმღები სუბიექტის შესახებ სააგენტოს ინფორმაცია მიაწოდოს. აღნიშნულ ინფორმაციაზე დაყრდნობით სააგენტო უმნიშვნელო ოდენობის ინდივიდუალური სახელმწიფო დახმარების ყოველწლიურ რეესტრს აწარმოებს.
ინფორმაციისთვის: უმნიშვნელო ოდენობის ინდივიდუალურ სახელმწიფო დახმარებას მიეკუთვნება სახელმწიფო დახმარების გამცემი ორგანოს მიერ საბიუჯეტო სახსრების ან სახელმწიფო რესურსების გადაცემით ან სხვა შეღავათის დაწესებით ეკონომიკური აგენტისათვის შერჩევითი ეკონომიკური უპირატესობის მინიჭება, თუ მისი მოცულობა ერთ ეკონომიკურ აგენტთან მიმართებით, ჯამურად, ზედიზედ სამი ფისკალური წლის განმავლობაში არ აღემატება 400 000 ლარს, ხოლო სახმელეთო ტრანსპორტით ტვირთის გადაზიდვის სფეროში – 200 000 ლარს.
ინფორმაციას კონკურენციის სააგენტო ავრცელებს.
საკვანძო სიტყვები:
მიიღეთ 30%-იანი MR ქულების ქეშბექი extra-ზე საქართველოს ბანკის Amex ბარათით გადახდისას
23 მარტი, 2026 , 18:41
გალტ & თაგარტმა სოფლის მეურნეობის განვითარების ინდექსი და სექტორული კვლევა წარადგინა
23 მარტი, 2026 , 16:44
მრევლს სიონის ტაძარში შესვლა და პატრიარქის საფლავისთვის პატივის მიგება ყოველდღე, 08:00-დან 22:00 საათამდე შეეძლება - საპატრიარქო
23 მარტი, 2026 , 14:56
ოკუპირებული აფხაზეთში „ჯაშუშებს“ ბრალდებით დაკავებები გრძელდება
19 მარტი, 2026 , 15:15
ილია II-ის გარდაცვალება თანამედროვე ეპოქის ქართული ეკლესიის ოქროს ხანის სიმბოლური დასასრულია - გია ნოდია
19 მარტი, 2026 , 14:37
„საქართველოს რკინიგზა“ 21 და 22 მარტს მაგისტრალურ სამგზავრო მატარებლებზე რეისების დამატებასთან დაკავშირებით ინფორმაციას ავრცელებს
19 მარტი, 2026 , 11:30
