სამართალი

უკრაინის ტერიტორიიდან საქართველოს 8 მოქალაქე გამოაძევეს

უკრაინის ტერიტორიიდან საქართველოს მოქალაქეები გამოაძევეს, რომელთა საქმიანობაც ეროვნული უსაფრთხოების ინტერესებს ეწინააღმდეგება, - ამის შესახებ უკრაინის უშიშროების სამსახური იუწყება.

,,უკრაინის უშიშროების სამსახურის, ეროვნული პოლიციის, სახელმწიფო საიმიგრაციო და სასაზღვრო სამსახურების მიერ ერთობლივად ჩატარებული ღონისძიებების შედეგად 17 ნოემბერს, სამშობლოში იძულებით არის გაძევებული საქართველოს 8 მოქალაქე“, - ნათქვამია უწყების განცხადებაში.

აქვე აღნიშნულია, რომ გადაწყვეტილება მიღებულია სახელმწიფო საიმიგრაციო სამსახურისა და ეროვნული პოლიციის მასალებზე დაყრდნობით, რომლებიც მოწმობს, რომ უცხო ქვეყნის მოქალაქეების საქმიანობა უკრაინის ეროვნული უსაფრთხოების ინტერესებს ეწინააღმდეგება.

ნინო ექვთიმიშვილი