სამართალი

უკრაინის სააპელაციო სასამართლომ ვიცე-პოლკოვნიკი გია ცერცვაძე გაათავისუფლა

უკრაინის სააპელაციო სასამართლომ, ვიცე-პოლკოვნიკი გია ცერცვაძე, წინასწარი პატიმრობიდან გაათავისუფლა.

თავდაპირველად, გუშინდელ სხდომაზე, რომელიც დღის საათებში გაიამრთა, სააპელაციო სასამართლომ ცერცვაძე კვლავ დატოვა წინასწარ პატიმრობაში.

ვიცე-პოლკოვნიკის საქმის განხილვა არც მომხდარა, რადგან სასამართლოს თქმით, პირველი ისნტანციის სასამართლომ საქმესთან დაკავშირებული მასალების გადმოგზავნა დააგვიანა. მომდევნო პროცესი კი, 3 თებერვლისთვის ჩაინიშნა.

თუმცა მოგვიანებით, სააპელციო სასამართლომ საკუთარი გადაწყვეტილება აღკვეთის ღონისძიების შესახებ შეცვალა, და ვიცე-პოლკოვნიკი პატიმრობიდან გაათავისუფლა.

მიუხედავად ამისა, ცერცვაძეს უკრაინაში გარკვეული პროცედურების გამო, 40 დღის განამავლობაში მოუწევს ყოფნა.

როგორც ადვოკატმა ქსენია პროკონოვამ განაცხადა, გია ცერცვაძის გათავისუფლების პარალელურად, მეორე ეტაპია გასავლელი, რომ ის რუსეთს არ გადასცენ.

„ეს არის დროებითი პატიმრობის მოხსნა, რუსეთისთვის გადაცემის აკრძალვაზე კი, საუბარი იქნება საექსტრადიციო შემოწმების დასრულების შემდეგ“, - განაცხადა მარია პროკონოვამ.

გია ცერცვაძეს ლუკიანოვსკის წინასწარი დაკავების იზოლატორთან შეკრებილი თანამებრძოლები ოვაციით შეხვდნენ. მან შეკრებულებს მხარდაჭერისთვის მადლობა გადაუხადა.

მოგვიანებით ვიცე -პოლკოვნიკი უკრაინაში საქართველოს ელჩს, მიხეილ უკლებას შეხვდა.

დღეს კი, გია ცერცვაძე, უკრაინის სახალხო დამცველს შეხვდება.

მონიკა დავლიანიძე