სამართალი

უკრაიინის უსაფრთხოების სამსახური მეგის ქარდავასთან დაკავშირებით განცხადებას ავრცელებს

უკრაინის უსაფრთხოების სამსახური, უკრაინა-პოლონეთის საზღვარზე დაკავებული მეგის ქარდავასთან დაკავშირებით განცხადებას ავრცელებს.

მედიანიუსი უწყების განცხაედბას უცვლელად გთავაზობთ.

„უკრაინის უსართხოების სამსახურმა საერთაშორისო ტერორისტული და ექსტრემისტული ორგანიზაციების წარმომადგენლების ქვეყანაში მოხვედრის აღკვეთის ღონისძიების ფარგლებში, საქართველოს მოქალაქე დააკავა.

იგი, საქართველოს სისხლის სამართლის კოდექსის 24,138 და 144 მუხლებით, ძალადობისთვის 2012 წლიდან ძებნაში იმყოფება.

ინტერპოლის მონაცემით, 2002 წლიდან ის საქართველოს შინაგან საქმეთა სამინისტროს ხელმძღვანელ თანამდებობებს იკავებდა. სამინისტროს დანაშაულებრივ ჯგუფთან ერთად ის პატიმრების მიმართ წამების, ფიზიკური და სექსუალურ ხასიათის დანაშაულს ჩადიოდა.

დაკავებულს უკრაინის მოქალაქის ორი ყალბი პასპორტი, ასევე ლატვიისა და ბელიზის მოქალაქის პასპორტი აღმოაჩნდა, სადაც სხვადსხვა გვარია შეყვანილი, თუმცა მისი ფოტოსურათით. გარდა ამისა, მას მეზღვაურის ყალბი მოწმობა აღმოაჩნდა, რომელსაც ის უკრაინისა და სხვა ქვეყნების საზღვრების გადაკვეთისას იყენებდა.

ივანო-ფრანკოვსკის ოლქის გალიცკის რაიონული სასამართლოს გადაწყვეტილებით, საქართველოს მოქალაქეს 40-დღიანი პატიმრობა შეეფარდა, გარდა ამისა, სამშობლოში მისი ექსტრადირების პროცედურაა დაწყებული“,-ნათქვამია განცხადებაში.

მონიკა დავლიანიძე