კომენტარი

უახლოეს დღეებში ჩვენი საჩივრით მივმართავთ BBC-ის შიდა მარეგულირებელ ინსტანციას - შალვა პაპუაშვილი

უახლოეს დღეებში ჩვენი საჩივრით მივმართავთ BBC-ის შიდა მარეგულირებელ ინსტანციას, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

მისი თქმით, პროცედურაა, რომ თავდაპირველად საჩივრის შეტანა უნდა მოხდეს “ბიბისის“ შიდა მარეგულირებელ ინსტანციაში.

„შესაბამისად ჩვენ უახლოეს დღეებში ჩვენი საჩივრით მივმართავთ BBC-ის შიდა მარეგულირებელ ინსტანციას. იმედი გვაქვს, რომ ამ დონეზევე BBC აღიარებს იმას, რომ ის სიუჟეტი იყო ფაბრიკაცია და მანიპულაცია. თუ არ აღიარებს მაშინ სხვა ინსტანციებს მივმართავთ. მარტივია რასაც ვითხოვთ, იყო მანიპულაციური სიუჟეტი და შესაბამისად ამ მანიპულაციის აღიარებას ვითხოვთ. კონკრეტულად რა მოთხოვნები იქნება ამ ყველაფერს ნახავთ. ამ ეტაპზე არ ვაპირებ წინასწარ ვისაუბროთ შინაარსი რა იქნება. როცა გასაჯაროვდება, მაშინ იქნება ცნობილი. არის შესაბამისი პროცედურები. პირველი ეს გახლავთ BBC-ის შიდა მარეგულირებელი ისტრუმენტი, რომელიც გამოყენებული უნდა იყოს. თუ საკუთარი თავის დადანაშაულებაზე უარს იტყვიან, ვნახოთ ამ შემთხვევაში მაინც როგორ სტანდარტს დაიცავენ. შემდეგ არის შემდეგი ინსტრუმენტები: მარეგულირებელი კომოსია და სასამართლო, მათ შოროს ადამიანის უფლებათა ევროპული სასამართლოც. ჩვენ მივყვებით ყველა ამ პროცედურას იმ რიგითობით რომლითაც საჭიროა“, – განაცხადა პაპუაშვილმა.

1 დეკემბერს BBC-მ გამოაქვეყნა ვრცელი სტატია. მათი თქმით, გამოცემის მიერ მოპოვებული მტკიცებულებები მიუთითებს, რომ გასულ წელს საქართველოს ხელისუფლებამ ანტისახელისუფლებო დემონსტრაციების დასაშლელად პირველი მსოფლიო ომის დროინდელი ქიმიური ნივთიერება გამოიყენა.

6 დეკემბერს სახელმწიფო უსაფრთხოების სამსახურში განაცხადეს, რომ წყლის ჭავლში მოქალაქეების წინააღმდეგ გამოყენებული ქიმიური ფხვნილი ქლორობენზილიდინ მალონონიტრილია.