კომენტარი

უაღრესად შემაშფოთებელია გამოთქმული ვარაუდებიც კი, რომ ავტომანქანის აფეთქება შესაძლებელია უკავშირდებოდეს საარჩევნო პროცესს - კახა კოჟორიძე

თიანეთის საარჩევნო ოლქში ჩატარებულ არჩევნებსა და ჟინვალთან მომხდარ თავდასხმას პრეზიდენტის მრჩეველი ადამიანის უფლებების საკითხებში, კახა კოჟორიძე გამოეხმაურა.

კოჟორიძის განცხადებით, პრეზიდენტმა არაერთხელ აღნიშნა, რომ ძალადობა ორმაგად დამაზიანებელია სახელმწიფოსთვის, თუ ის შესაძლებელია უკავშირდებოდეს არჩევნებს.

„უაღრესად შემაშფოთებელია გამოთქმული ვარაუდებიც კი, რომ ავტომანქანის აფეთქება შესაძლებელია, უკავშირდებოდეს საარჩევნო პროცესს. საქართველოს პრეზიდენტმა ხაზგასმით არაერთხელ აღნიშნა, რომ ძალადობა ორმაგად დამაზიანებელია სახელმწიფოსთვის, თუ ის შესაძლოა, უკავშირდებოდეს პოლიტიკურ პროცესს და ისეთ მნიშვნელოვან პროცესს, როგორიცაა არჩევნები. ჩვენ ველით, რომ გამოძიება უსწრაფესად გასცემს არსებულ კითხვებზე პასუხებს და მიმდინარე სასამართლო დავაც იმასთან დაკავშირებით, თუ რამდენად კანონიერად ჩატარდა თიანეთში არჩევნები, უსწრაფესად იქნება სამართლიანად განხილული,“ - განაცხადა კახა კოჟორიძემ.

ნინო ექვთიმიშვილი