პოლიტიკა

თვითმმართველობის თემა არის ძალიან მტკივნეული,მნიშვნელოვანია რა უნდა ხალხს და არა მინისტრს - ირმა ინაშვილი

პარლამენტის ვიცე-სპიკერი, „პატრიოტთა ალიანსის“ ლიდერი ირმა ინაშვილი პარლამენტის სპიკერის განცხადებას გამოეხმაურა.

ირაკლი კობახიძის თქმით, კარგი იქნება თუ გამგებელს მერს უწოდებენ. მისივე განცხადებით, მერს და გამგებელს ერთნაირი უფლებამოსილებები აქვთ, თუმცა ერთი ქალაქის, მეორე კი, სათემო მუნიციპალიტეტის ხელმძღვანელია. ირმა ინაშვილი კი მიიჩნევს, რომ ჯობია, მმართველმა გუნდმა საკითხზე შეხვედრები მოსახლოებასთან გამართოს და მათი აზრი მოისმინოს.

ვიცე-სპიკერი მიიჩნევს, რომ მნიშვნელოვანია რა უნდა ხალხს, და არა ცალკეულ მინისტრს.

„ხელისუფლება არ უნდა მოწყდეს ხალხს. თვითმმართველობის თემა არის ძალიან მტკივნეული და აქტუალური ყველა თვითმმართველი ქალაქისთვის. ამიტომ, მე კონკრეტულად, ამ თემაზე შეხვედრებს დავგეგმავდი მოსახლეობასთან, რომ ამ ქალაქების მოსახლეობას შევხვდე და მათი აზრი გავიგო და შემდგომ ცვლილებები ავსახო. თორემ, ეკონომიკის თუ ფინანსთა მინისტრს გამგებელი უნდა თუ მერი - ეს ნამდვილად არ არის მნიშვნელოვანი და აქტუალური. ხალხს რა უნდა - ეს არის მთავარი“,-აღნიშნა ინაშვილმა.

მონიკა დავლიანიძე