პოლიტიკა

თურქეთის ხელისუფლებისთვის საქართველოში მოქმედი ,,გიულენის“ სკოლები მიუღებელია - ზაზა წურწუმია

თურქოლოგ ზაზა წურწუმიას განცხადებით, თურქეთის ხელისუფლების მხრიდან, გაზეთ „საბაჰ “-ში აფხაზეთის შესახებ დანართის გამოსვლაზე თვალის დახუჭვა, შესაძლოა საქართველოში „გიულენის სკოლების“ არსებობას უკავშირდებოდეს. ამის შესახებ წურწუმიამ დღეს გამართულ პრესკონფერენციაზე განაცხადა და აღნიშნა, რომ სკოლებს გიულენის პატრონაჟით, თურქული მხარე ტერორისტების სამჭედლოდ აღიქვამს.

,,არაა გამორიცხული, რომ ჩანართი, რომელიც აფხაზურმა დიასპორამ გამოსცა თურქეთში და რომელზეც თურქეთის ხელისუფლებამ თვალი დახუჭა, „გიულენის „ სკოლებს უკავშირდებოდეს, თუმცა ამის გადაჭრით თქმა არ შეიძლება. ერთი ცხადია, რომ თურქეთი გიულენის ექსტრადიციას ითხოვს, ის მათთვის ტერორისტია და მსოფლიოს ყველა ქვეყანაში თურქეთი აგზავნის მესიჯს, რომ სკოლები გიულენის პატრონაჟიდან მოიხსნან, ასეთ სკოლებს თურქეთის ხელისუფლება, როგორც ტერორისტების სამჭედლოს, ისე განიხილავს. თუმცა ეს ყველაფერი შეიძლება ჩავთვალოთ კულისებს მიღმა საკითხებად,“ – განაცხადა ზაზა წურწუმიამ.

მარი ნამგალაძე