პოლიტიკა

თურქეთი ასადის რეჟიმის მიერ ოკუპირებული აფხაზეთისა და ცხინვალის რეგიონის ე.წ. დამოუკიდებლობის აღიარებას გმობს

თურქეთის რესპუბლიკის საგარეო საქმეთა სამინისტროს სპიკერმა, ჰამი აქსოისმა განაცხადა, რომ ანკარა გმობს სირიის მიერ ოკუპირებული აფხაზეთისა და ცხინვალის რეგიონის დამოუკიდებლობის აღიარებას.

„სირიის რეჟიმის გადაწყვეტილება საქართველოს რეგიონების, აფხაზეთისა და „სამხრეთ ოსეთის“ დამოუკიდებლობის აღიარებისა და მათთან დიპლომატიური ურთიერთიობების დამყარების შესახებ საერთაშორისო სამართლის, გაეროს ქარტიისა და გაეროს უშიშროების საბჭოს შესაბამისი რეზოლუციების უხეშ დარღვევას წარმოადგენს.

ჩვენი ქვეყანა, როგორც ეს არაერთხელ აღენიშნა, მხარს უჭერს საქართველოს სუვერენიტეტს, დამოუკიდებლობასა და ტერიტორიულ მთლიანობას“, - ჰამი აქსოის აღნიშნულ განცხადებას თურქეთის საელჩო ავრცელებს.

სამშაბათს გახდა ცნობილი, რომ სირიამ რუსეთის მიერ ოკუპირებული აფხაზეთისა და სამხრეთ ოსეთის დამოუკიდებლობა აღიარა. ამის საპასუხოდ საქართველომ სირიასთან დიპლომატიური ურთიერთობების გაწყვეტის გადაწყვეტილება მიიღო.

ოკუპირებული აფხაზეთისა და სამხრეთ ოსეთის ე.წ. დამოუკიდებლობა სირიის გარდა ასევე აღიარეს რუსეთმა, ნიკარაგუამ, ვენესუელამ , ნაურუმ, ვანუატუმ და ტუვალუმ.